مطبخ الصوت
المقادير:
لفة جلاش (نص كيلو)
سمنة سايحة .
للمهلبية (الحشوة):
2 كوب حليب .
3 ملاعق كبيرة نشا .
2 ملعقة كبيرة سكر (اختياري عشان الشربات لسه هيتحط) .
ملعقة قشطة .
رشة فانيليا .
للشربات :
2 كوب سكر .
1 كوب مياه .
عصرة ليمونة .
رشة فانيليا .
الطريقة:
1. لعمل الشربات:
في حلة، حطي السكر والمياه وسيبيهم يغلوا.. أول ما يغلي اعصري الليمونة وسيبيه 7 دقايق يتقل شوية.. اطفي عليه وحطي الفانيليا وسيبيه يبرد “خالص” عشان الجلاش بياخد شربات بارد.
2. نعمل المهلبية :
على البارد، ذوبي النشا والسكر في الحليب كويس.. ارفعيهم على النار وقلبي بمضرب سلك لحد ما يتقل ويبقى كريمي..
ضيفي القشطة والفانيليا وقلبي واطفي النار وسيبيها تبرد شوية قبل ما تحشي بيها.
3. نجهز صينية الجلاش:
ادهني الصينية سمنة كويس.. اقسمي لفة الجلاش نصين.
حطي أول ورقة وادهنيها سمنة، وبعدين التانية وادهنيها.. وهكذا لحد ما تخلصي أول نص لفة (ممكن تحطي ورقتين ورقتين وتدهني بينهم سمنة عشان الوقت).
صبي المهلبية في النص ووزعيها بالراحة (ابعدي عن الأطراف شوية عشان متتحرقش).
حطي النص التاني من الجلاش بنفس الطريقة (كل ورقة أو ورقتين دهنة سمنة).. وآخر ورقة ادهنيها كويس وقطعي الجلاش مربعات أو سمبوسكات بالسكينة قبل ما يدخل الفرن .
4. االتسوية:
دخلي الصينية فرن سخن (180 درجة) على الرف اللي في النص.. سيبيه لحد ما الأطراف والوش ياخدوا لون ذهبي .
أول ما يطلع وهو سخن ، صبي عليه الشربات البارد فوراً..
غطيه 5 دقايق لو عايزاه طري، وسيبيه مكشوف لو بتحبي القرمشة .
ا
لتقديم:
رشي شوية فستق أو جوز هند على الوش وبالف هنا .
