طريقة عمل كحك الشاى المقرمش

إعداد وتقديم مرفت عبد القادر 

مطبخ الصوت

المقادير:

2 كوب دقيق – نصف كوب سمنة – م ك ونصف لبن بودر – م ص بيكنج بودر

نصف م ص بيكنج صودا

نصف كوب سكر بودر

ربع كوب ماء

دوبي السكر البودر في ربع كوباية ماية

هاتي بولة و حطي الدقيق مع السمنة واخلطيهم سوا كويس مع بعض

انزلي بقى عليهم بالبيكنج بودر والبيكنج صودا واللبن البودر وفي الاخر لميهم بكوباية السكر البودر اللي دوبناها في ربع كوباية ماية ولو احتاجت ربع كوباية كمان لحد ماتبقى عجينة ناعمة معاكي

سبيها تستريح عشر دقايق وبعدين شكليها زي الصوابع وحطيها في خليط التغطية

رصيها في صينية مدهونة زيت وعلي الفرن علي درجة حرارة 160 لمده 20 دقيقة

للتغطية

كوب الا ربع سمسم

نصف م ك شربات

م ك ماء.