مطبخ الصوت
المقادير :
نص كيلو لحمة مفروومة قليلة الدسم
بصلتين مفروومة
بيضة
معلقة ك نشا
معلقة ص بيكنج بودر
نص كوب بقسماط
ربع كوب بقدوونس
معلقة ص ملح
فلفل اسود وبابريكا
بهارات لحمة
توم وبصل بودر.
مقادير الغلاف:
دقيق
بيضة
بقسماط
كورون فليكس أو فيجتار .
طريقة التحضير :
في طبق نضيف اللحمة المفرومة والبصل والبيضة والنشا والبيكنج بودر والبقسماط والبقدونس والبهارات ونعجن كل المكونات كلها مع اللحمة المفروومة لما كل المكونات تتجانس والكفتة تتصمغ كويس مع بعض وبعد كده نصبعها .
ونحط الكفتة بعد كده في الدقيق وبعدين في البيض و بعدين في البقسماط
ونغلفها كويس جدا بالبقسماط وبعد كده ندخلها الفريزر لمدة نص ساعة قبل ما نحمرها .
وطاسة فيها زيت ساخن وغزير وننزل بالكفتة بس علي درجة حرارة متوسطة علشان الكفتة تستوي كويس جوا وبعد كده نقلبها الكفتة لما تتحمر وتاخد لون دهبي .
ونطلعها علي مصفاه هتبقي مقرمشة معاكي من برة ومستوية من جوا وطعمها يجنننن
وبالف هنا.
