إعداد وتقديم مرفت عبد القادر
مطبخ الصوت
المقادير:
٤ كاسات كبار سميد
٢ كاسة كبيرة طحين ابيض
كاسة سمنة ونصف كاسة زيت زيتون او زيت نباتي
نصف كاسة سكر
٤ ملعقة كبيرة سمسم
٣ ملعقة كبيرة حبة البركة
ملعقة صغيرة خميرة
٢ بكيت بيكنج باودر
ربع ملعقة صغيرة ملح
٤ ملعقة كبيرة حلبة بنغليها ب ٢ كاسة كبيرة ماء .
الطريقة:
بنبس مقدار السميد مع السمنة والزيت وبنتركها طول الليل
اذا مستعجلة اتركيها ساعة وبعدين كملي الوصفة
بنضيف الطحين وكل المكونات الجافة وبنبسهم مع بعض كثير كويس .
بنصب مغلي الحلبة بتاخد تقريبا كاسة ونصف من مغلي الحلبة.
وبنضيف كمان من بذور الحلبة الي غليناها
بنفرد العجينة في صينية الفرن الكبيرة بعد ما تدهن الصينية بالسمنة او الزيت النباتي
بنريحها نصف ساعة وبنقطعها حسب الرغبة
المقدار يعمل صينية كبيرة من صواني الفرن او ٢ صينية وسط .
بس تطلع بنسقيها بالشربات.
