إعداد وتقديم مرفت عبد القادر
مطبخ الصوت
المقادير:
كيلو لحمة
بصل شرائح رفيعة
فلفل رومي شرائح رفيعة
3فصوص توم
معلقة كبيرة صلصة
ملح .فلفل اسود
فلفل ابيض مطحون
بهارات لحمة
رشة جوزة الطيب
باكو مرقة
شوربة
معلقة كبيرة سمنة
معلقتين زيت
الطريقة:
هتجيبي اللحمة قطعة واحدة وهتفوريها بس.
بمعنى انك هتسلقيها نص سلقة وطبعا نحط في الشوربة كرفس وجزر وبصل وطماطم وفلفل.
بعدين تطلعي اللحمة وتسيبيها تبرد وتبتدي تقطعيها شرايح.
بعدين تقطعي فلفل رومي شرائح وبصل شرايح رفيعة وقطعي فصوص التوم ترنشات.
وتجيبي الصينية تحطي فيها من تحت بصل وفلفل رومي شرايح ورصي فوقيها اللحمة.
وحطي فوقيها شرائح بصل والفلفل وابتدي رشي الملح والفلفل والبهارات ورشة الفلفل الابيض المطحون وفصوص التوم ورشة بسيطة من جوزة الطيب.
وبعدين هاتي طبق وحطي فيه معلقة الصلصة وعليها كوباية الشوربة ودوبيها كويس جدا .
ورشيها علي اللحمة خلي الشوربة توصل لاول اللحمة .
وبعدين حطي الصينية علي النار وحطي السمنة والزيت وغطيها لغاية ماتغلي.
بعدين ولعي الفرن ودخلي جواه الصينية وكل شوية اقلبيها عشان تبقي كلها لون واحد .
وبعد كده هتكون اخدت لون واستوت كويس وبالف هنا .
