إعداد وتقديم مرفت عبد القادر
مطبخ الصوت
الطريقة الاولى :
تغلي مية ولما تبرد حطي شوية شطة ناشفة وملح او قرن فلفل اخضر متقطع هتفضل زي ما هي من غير طعمها ما يتغير بالعكس هتاخد طعم الفلفل .
الطريقة التانية :
تغلي مية وتبرد ودوبي فيها معلقتين لبن بودرة عمرها ما هتعمل ريم.
الطريقة الثالثة :
زهقتي من طعمها اضربيها في الكبة مع معلقتين لبن بودرة وشوية لبن وقطعه قشطة أحسن من الجبنه الكيري .
وملح وشوية زيت وضيفي أي طعم قرن فلفل اخضر او حبة البركة أو زعتر من غير اضافة كريمي بس هيبقي عندك أحلى جبنة كريمي اقتصادية.
الطريقة الرابعة :
لو كمية كبيرة ومش هتحتاجيها كلها رشي عليها ملح وشطة وسبيها في مصفي تتصفي يوم كامل وحطيها في لبن مغلي ومتبرد عليه شوية شطة وكركم وملـح وشوية بابريكا وبقي عندك أحلى جبنة قـديمة بالمش بتاعها ويا سلام بقي لوعندك شوية مورتة تزوديه بيها وهتكون احلي طعم جبنة قديمة.
وممكن تحطيها في الفريزر ولما تحتاجي منها كل يوم تطلعيها من بالليل في الثلاجة من تحت هتلاقيها فله الصبح وتاكلي احلي جبنه فلاحي .
