ظل البدايات

الحقيقية مش في أول الطريق لكن في أول مرة تختار نفسك من غير ما تعتذر ومن غير ما تبرر ومن غير ما تستنى حد يفهمك أو يشوف غير اللي هو عايز يشوفه وتبص لجواك وتلاقي إنك اتبدلت من غير ما تاخد بالك بقيت أهدى من زمان وأصدق في ردودك وأوضح في خطواتك وأقوى من اللي كنت فاكره وتكتشف إنك بقيت بتشوف المشاعر بميزان والحكايات بوعي والناس بنور قلبك

مش ببهجة كلامهم وتعرف إن الدنيا مش بتدي كل حاجه لكن بتدي اللي محتاج تتعلمه قبل ما تاخده وتديك تجارب يمكن موجعه لكن بتبني فيك أساس ما يتهزش وتشيل من طريقك ناس كانت فصول مؤقته انت كنت فاكرها كتاب كامل وتشيل من حياتك لحظات كانت نهايتها واجعه لكنها كانت بدايتها حكمه وفي أول بدايه حقيقيه تحس إنك مش لوحدك وإن في حاجه جواك بتساعدك

توقف تاني حتى لو الوجع لسه سايب أثر وحتى لو قلبك لسه بيلم نفسه وتبقى شايف إن كل حاجه عدت كانت بتجهزك للحته دي للمكان ده للخطوة دي للبداية اللي جاية دي وتبص قدامك وتحس إنك جاهز ولو جزء صغير من روحك هو اللي جاهز بس هو كفاية علشان يمشي بيك ويجر وراه باقيك وتكتشف إن مفيش بداية ضعيفه طول ما فيها نية صادقه ومفيش خطوة غلط طول ما قلبك

صاحي ومفيش ضلمة كامله طول ما روحك لسه عايزه تنور

وفي الآخر تفهم إن كل بداية هي محاولة جديدة للحياة محاولة إنك تجمع اللي اتكسر وتنسى اللي وجع وترتب اللي ضاع وتحافظ على اللي باقي وتحاول من غير ما تبص وراك كتير لأن اللي وراك خلاص اتحكى واتعلم واتقفل ومش فاضل غير اللي قدامك واللي قدامك أكبر من خوفك وأوسع من وجعك وأنضف من اللي راح