مطبخ جريدة الصوت
مكونات
كوب ونص حليب
نص كوب مايه
معلقه كبيره زيت
معلقه صغيره سكر
نص معلقه صغيره ملح
كوب ونص دقيق
الطريقة
بحط كل المكونات دي مع بعض ف الخلاط
واضر.ب كويس لحد ما اوصل لقوام سائل نوعا ما
مش زي المايه ولا هوا تقيل
( ممكن بمضرب يدوي )
ونعدي السائل دا ع مصفاه عشان لو في اي كتل
ونسيبه يرتاح ربع ساعه
ملحوظة
قبل ما ابدا ما ف التسويه لازم نقلب الخلط ف كل مره قبل كل رغيف
التسوية
بصب الخليط السائل دا ف طاسه واسعه ولازم تكون مانعه للالتصاق ومقاسها اكبر من ٣٠ سنتي
ونفرد الخليط بسرعه يا ما بنميل الطاسه يمين وشمال لحد ما يتفرد طبقه رفيعه
ياما بالعصايه الخشب المخصصه لخبز الكريب
الطاسه لازم تكون متسخنه كويس اوي
ع نار اقل من متوسطة
منحاولش نقلبه قبل ما يستوي من الاطراف تفك كدا ونقلبه قلبه واحده وبسرعه
بفضل مياخدش لون عشان لما نرجع نحمصه وقت الحشو يكون تمام
طري جدا وبيقرمش بقي وقت التحميص
