يعيش الإنسان فترة طويلة وهو بعيد عن نفسه مش حاسس إن المسافة دي بتكبر يوم بعد يوم ومسلم إن اللي بيحصل عادي وإن الوجع جزء من اليوم وإن التعب طبيعي وإن الصمت حل وإن التجاهل قوة وإن الاستمرار رغم الانهيار شجاعة لكنه ما يفهمش إن كل ده كان بيبعده عن قلبه خطوة بعد خطوة لحد ما يلاقي نفسه غريب عن ذاته مش فاهم هو بيعمل ايه ولا رايح فين ولا ليه سايب
حاجات ما تستحقوش يكمل فيها وفي اللحظة اللي يحس فيها إن الطريق ضاع منه تبدأ الحقيقة تظهر ببطء يظهر صوته الداخلي اللي كان ساكته سنين يظهر إحساسه اللي كان بيطنش عليه يظهر وجعه اللي كان بيخبيه يظهر وضوح جديد يبين له قد ايه كان ماشي غلط وقد ايه كان بيتنازل عن نفسه وقد ايه كان بيحط روحه في آخر الصف وقد ايه كان بيجامل على حساب سلامه لدرجة إن
السلام نفسه بقي بعيد ومع الوعي ده يبدأ الإنسان يرجع لنفسه من أول وجديد يبدأ يراجع التفاصيل اللي كان فاكرها بسيطة يبدأ يشوف المواقف بمعنى مختلف يبدأ يحط حدود ما كانش يقدر يحطها قبل كده يبدأ يفهم إن اللي يختار يوجعه ما يستحقش وجوده وإن اللي يستهلك روحه ما ينفعش يمشي معاه خطوة وإن اللي يعامل مشاعره باستخفاف مالوش مكان في حياته وتبدأ روحه
تاخد شكل جديد شكل أنضج وأعمق شكل فيه قوة هادية مش محتاجة تثبت نفسها شكل فيه احترام لنفسه قبل أي شيء شكل فيه وعي أكبر من إنه يسمح لنفسه يرجع للأذى شكل فيه يقين إنه مش محتاج يفضل يجري ورا حد وإن القيمة عمرها ما كانت محتاجة إذن ولا اعتراف من أي بشر ومع كل يوم يفوت يتحرر من اللي كان ماسكه جوه يتحرر من الخوف من الوحدة ومن الانتظار
ومن التفكير اللي يوصل لطريق مسدود ومن العلاقات اللي تاخد أكتر ما تدي ومن الذكريات اللي تعطل روحه ومن الاعتذارات اللي لازم ياخدها مش يقدمها ويتحرر من نفسه القديمة اللي كانت بتوافق على حاجات ما تنفعش تتوافق أصلا ولما الإنسان يرجع لنفسه فعلا يكتشف إن أجمل نقطة في حياته مش يوم حب ولا يوم نجاح ولا يوم انتصار أجمل نقطة هي يوم فهم نفسه بوضوح
يوم شاف قيمته بجد يوم عرف إن اللي كان بيدور عليه بره موجود جواه يوم أحب نفسه من غير شروط يوم وقف وقال خلاص كفاية أنا هرجع لي ولطريقي ولقلبي بشكل ما يرجعش يتكسر تاني
