مش بخالف يوم وعودي
أيوة عارف فين حدودي
لو هيصرخ يوم فؤادي
مش هيطلع منه صوتي
كل وهم الحب عيشته
وجنيت بلأه سكوتي
مش هفكر يوم أغني
والله ضاع الصوت
ده مني
حمل تل شايله فوقي
آه يا جرح الآه فى قلبي
من سنيني ومن غروبي
والسكات بالنبض صارخ
واللى حاسة بيه دروبي
آه يا جذع العشق مايل
آه يا برد ف ضلعي طايل
كل سنتي فى جسدي باكي
وف ملامحي لسا شوقي
بس ضاع الحلم مني
لما مات فى يوم شروقي
كل حلم حلمته ليكي
كل بسمة من عيوني
كنت بوهبها لعينيكي
كنت فى دروبك بضوئي
بس ضاع الضوء وغاب
مش هقول مني منك
راح خلاص وقت العتاب
مش هقولك تاني عودي
للزمان للمكان للأمان
لحظة وجودي
مش بخالف يوم وعودي
أيوة عارف فين حدودي
لو هيصرخ يوم فؤادي
مش هيطلع منه صوتي
والسلام على حب مات
لما زاد فيكي العناد
إجني باقي الذكريات
لما أرحل يوم هتبكي
لما هرحل يوم تحسي
مين حبيبك اللى غنى
واللى عاش
لما تصحي فى يوم تفوقي
هتلاقيني حلم مات
لما جت ساعة غروبي
