إزاى ممكن زوجة رئيس أمريكى تمسك مطرقة مجلس الأمن وتترأس جلسة رسمية قدام العالم كله؟
وهل ده مجرد بروتوكول رمزى ولا رسالة سياسية محسوبة بدقة؟
الخبر بيقول إن ميلانيا ترامب هتترأس جلسة في مجلس الأمن الدولى ودر أول مرة فى التاريخ سيدة أولى – أو حتى سيد أول – يقود جلسة بالشكل ده بحسب تأكيد المتحدث باسم الأمم المتحدة.
طيب السؤال هنا… ليه دلوقتى؟
وليه هي تحديدًا؟
الجلسة عن إيه… وليه التعليم؟
الاجتماع هيكون عن التعليم التكنولوجيا السلام والأمن.
يعنى إحنا مش بنتكلم عن ملف جانبى إحنا بنتكلم عن واحدة من أهم القضايا اللى بتتحط دايمًا فى قلب أى صراع عالمي.
فهل اختيار التعليم عنوانًا للجلسة محاولة لإعادة تقديم صورة الولايات المتحدة داخل الأمم المتحدة؟
ولا رسالة إن القوة الناعمة لسه موجودة؟
البيان الرسمى قال إنها هتصنع التاريخ أثناء تولي الولايات المتحدة رئاسة المجلس هذا الشهر.
لكن هل صناعة التاريخ هنا شكلية؟
ولا بداية دور سياسي أكبر للسيدة الأولى؟
فى ظل قرارات ترامب… إيه الرسالة؟
لازم نفتكر إن دونالد ترامب بعد عودته للبيت الأبيض فى 2025 سحب دعم أمريكا من جهات أممية مهمة، أبرزها منظمة الصحة العالمية.
وبرغم كده أمريكا سددت مؤخرًا 160 مليون دولار من مستحقاتها للأمم المتحدة، رغم إن عليها مليارات متأخرة.
فهنا ييجى السؤال الأهم:
هل ترؤس ميلانيا للجلسة محاولة لإعادة ترميم العلاقة مع المنظمة الدولية؟
ولا مجرد استعراض نفوذ في وقت الولايات المتحدة بتمسك فيه رئاسة المجلس؟
