أهل البحاروة الطيبين
مساء الفل والياسمين
كل عام نيجي ليكم
ويسبق خطواتنا الحنين
كل واحد وهو جاي
يحكي أسطورة يقين
إننا صحبة محبة
لاهل البحاروة الطيبين
أهل المحبة والمودة
اشتقنا للقاء المحبة
والمودة عطشانين
شوق يزيد مع
الليالي والسنين
قلبكم مليان طيبة
صلاة لسيد المرسلين
بيت الثقافة بالمراغة
بيهدي طيب الطيبين
بالست نادية منورين
الخواطر من شيوخنا
تفوق عطور الياسمين
والشعراء والأدباء
والصحافة الموجودين
واللي يحلم خير لبكره
وأي ناوي يسد دين
واللي عنده أحلي فكرة
واللي يبرده الحنين
واللي دعواته تجلجل
يحفظلنا البلد الامين
ربنا يحافظ عليكم
دي الأيدين الشقيانين
الست سماح وأهل
بدر المخلصين
جمعنا الغالي السعيد
ونجوم. المنصة منورين
ربنا يكتبها حجة
لكل الجمع الحاضرين
كل عام وانتم بخير
أهل البحاروة الطيبين
