إعداد وتقديم//مرفت عبدالقادر
المكونات:
الخليط الاساسي:
٦ بيضات
ربع كوب كريمة او حليب
ملح وفلفل
ببريكا
رشة من بودرة المستردةلو متاح
وممكن إضافة اعشاب مجففة زى الزعتر او الريحان او بقدونس مجفف.
وممكن لو حبين انه يكون متماسك اكتر ممكن نضيف مع الخليط معلقتين من اى نوع دقيق حسب الرغبة .
الحشوات حسب الرغبة :
خضار بصل ابيض مفروم او بصل اخضر
فلفل اخضر والوان.
جزر مبشور
وممكن اضافه اى نوع خضار مبشور حسب الرغبة.
جبنه مبشورة اى نوع تفضلوه والافضل يكون نوع بيسيح.
حشوه السبانخ :
سبانخ
بصل
ببروني او تركى مدخن او سوسيس
جبنه مبشورة يفضل اكتر من نوع
حشوة المشروم :
مشروم
فلفل الوان
بقدونس
توم مفروم
جبنة مبشورة
– بالنسبة لحشوة الخضار والسبانخ والمشروم حسب رغبتكم
ممكن تضفوها مباشره او نشوحها على النار شوية عشان المكونات تطرا.
– بنخفق البيض مع الكريمة او الحليب والبهارات ويترك جانبا.
– نخلط مكونات الحشوة مع تلات اربع كمية الجبنة ونضعها
فى قوالب الكب كيك ثم نصب عليها خليط البيض لحد تلات
ربع القالب ونضيف باقى الجبنة على الوش.
– ويدخل الفرن الساخن على 180 بياخد من 15ل20
دقيقةحسب الفرن ونخرجه اول ما ياخد لون ذهبى من فوق.
