إعداد وتقديم مرفت عبد القادر
مطبخ الصوت
اولا : تنظيف الفراخ :
الفراخ بتتنضف بمحلول نقع لمدة ساعة عبارة عن ماء وملح ودقيق وليمون فقط.
الخل مع الدواجن بيثبت زفارة .
بعد النقع تنضف جيدا من المحلول ونزع اي زوائد او تجمع دموي داخل سلسلة ضهر الفرخة بالليمون .
ثانيا: مرحلة التتبيلة :
بصل مفروم وملح وفلفل أسود وجوزة الطيب او كبابة صيني وبابريكا عادية وحبهان بودر ونعملها مساج
لمدة 5 دقائق بالتتبيلة دي .
تترك ليلة في التتبيلة أفضل .
ثالثا : الحشو بالفريك:
نغسل الفريك جيدا وننقعة ساعتين بماء فاتر بعدها نشوح بصلة بسمن بلدي وننزل فيها بالفريك بعد التصفية .
ونحط ملح وفلفل اسود فقط نشوحة لمدة 7 دقائق وبعدها نطفي عليه ونسيبه يبرد ونحشي الفراخ .
رابعا : السلق والتحمير:
الفراخ بتتسلق لمدة 45 دقيقة اول نصف ساعة علي اعلي حرارة وبعدها نهدي النار عشان قلب الفرخة بالحشو يستوي كويس ماء السلق فيه بصل وملح وفلفل أسود فقط .
التحمير:
توضع بالفرن مدهونة سمن بلدي فقط وفلفل اسود وملح .
وعشان الفرخة متنشفش لازم يكون الفرن حامي علي اعلي حرارة .
بالف هنا .
