عربي وعالمي
مخطط الراية الكاذبة هل تضحي إسرائيل بـنتنياهو لهدم الأقصى وتوريط إيران
متابعة / محمد مختار
قلبي مقبوض وإحنا للأسف نايمين في العسل وبنتابع الأخبار على إنها تريندات في مخطط شيطاني بيتلعب دلوقتي في الغرف المغلقة هدفه الأكبر مش بس كسب الحرب هدفه هدم المسجد الأقصى وتوريط المنطقة في فخ تاريخي لا يمكن الخروج منه لو حطيت الخيوط اللي هقولك عليها دي جنب بعض وبصيت للمشهد من فوق، هتكتشف إننا قدام أكبر عملية False Flag راية كاذبة في تاريخ الكيان الصهيوني صلي على الحبيب المصطفى وركز معايا في الـ 6 محاور المرعبة دي
1-شظايا مقصودة اللعب بالنار في باحات الحرم
خلال الأيام اللي فاتت حصلت حادثة مرعبة رشقات صاروخية إيرانية وقعت بجوار المسجد الأقصى، وآخرها شظية دمرت جزء من السور على بعد 300 متر من حائط البراق هل دي صدفة مستحيل أنظمة الدفاع الجوي الإسرائيلية رغم استنزافها عندها أولويات قصوى في الصد إن صاروخ يعدي وينزل في المكان ده بالذات معناه إن تم التغافل عنه عمداً واللي يثبت ده كمية الفيديوهات اللي سمحوا بتصويرها ونشرها للدمار رغم إنهم بيمنعوا التصوير في الأماكن الحساسة الهدف تصدير صورة للعالم إن صواريخ إيران بتهدد الأقصى
2-اختفاء نتنياهو والزلة المريبة لترامب
نتنياهو مختفي بقاله فترة وكل الفيديوهات اللي بتطلعله معمولة بالذكاء الاصطناعي AI وفيها أخطاء زي ظهور 6 أصابع في إيده! الحقيقة إنه حي ومستخبي في خندق سري تحت الأرض الكارثة فين لما سألوا ترامب في مؤتمر صحفي عن حقيقة اختباء نتنياهو في نفق تحت المسجد الأقصى بدل ما ينفي قال دي معلومات سرية والمكان ده هو الأكثر أماناًالرسالة واضحة بيصدروا للعالم إن نتنياهو تحت الأقصى عشان لو تم استهداف المكان إسرائيل تطلع تعيط وتقول إيران هدت المسجد عشان تغتال رئيس وزرائنا وبكده يضربوا عصفورين بحجر يتخلصوا من المسجد لبناء الهيكل ويورطوا إيران في عداء دموي مع 2 مليار مسلم.
3-بالونة الاختبار فتوى الحاخام
لو فاكر إن ده خيال اسمع تصريح الحاخام المتطرف يوسف مزراحي من كام يوم لما قال بالنص لماذا لا يلقي جيش الدفاع صاروخاً على المسجد الأقصى ثم يتهم إيران بأنها هي من قصفته دي مش زلة لسان دي بالونة اختبار لتهيئة الرأي العام العالمي للكارثة اللي بيخططولها
4-سباق الزمن قبل نوفمبر
الكيان بيسابق الزمن لتنفيذ الحلم التوراتي إسرائيل الكبرى في وجود إدارة ترامب قبل انتخابات التجديد النصفي في نوفمبر. هم عارفين إن مفيش رئيس أمريكي هيقدم لهم الدعم أو يبتزوه بملفات وفيديوهات زي ترامب لو المخطط متنفذش دلوقتي، ممكن مايتنفذش أبداً
5-الهدم المعنوي أول منع منذ 839 عاماً
ولأن المخطط دخل حيز التنفيذ شفنا سابقة تاريخية خطيرة.. لأول مرة من 839 سنة يتم إغلاق الأقصى بالكامل في العشر الأواخر وتُمنع صلاة العيد. المصلين انضربوا بالقنابل بره السور ده مش مجرد تضييق ده تطبيق جبري للتقسيم الزماني والمكاني وتيئيس للمسلمين عشان لما تيجي لحظة الانفجار الكبير وهدم المبنى يكونوا جاهزين للعب دور الضحية كنا قافلينه عشان نحميه من صواريخ إيران
6-سر البقرات الحمراء
عقائدياً، بناء الهيكل الثالث مكان الأقصى مشروطة بذبح بقرة حمراء بدمه لا عيب فيها للتطهر بدمها في 5 بقرات وصلوا من أمريكا وموجودين في الكيان وجماعات أمناء الهيكل بيستعدوا للخطوة دي وسط تعتيم إعلامي مرعب
الخلاصة إسرائيل بتلعب أخطر لعبة في تاريخها لو نجح مخطط الراية الكاذبة الصراع هيتحول من احتلال وشعب أعزل لحرب طائفية دموية سنة وشيعة والعرب والمسلمين هياكلوا بعض وهما بيحملوا إيران مسؤولية هدم الأقصى، وفي النص الكيان هيبني هيكله وينفذ مشروعه التوسعي
شير للبوست ده في كل مكان الوعي هو حائط الصد الوحيد دلوقتي لإفشال المخطط الشيطاني ده
