الشاعر والناقد
محمد البنا
وقلت الآه ومش عاجب
ويتعاجب عليّ كمان
برمش العين وبالحاجب
وانا باصبر
عشان سكر
وأقول يمكن هلاله يبان
وترويني من الكوثر
شفايفه السود..رحيق عنبر
وغصن البان
ورا ملاية بيتمخطر
ألملم عطر خطواته
من السكة
فيتّكى
على قلبي
ويتلكع حدا دكان
أقول حاسبي يا تختروان
خلاص قلبي وقع مني
فتصغرلي
وتعمل قال ما تعرفنيش
أنا اللي كتير ف احلامها
بأروح ولا أجيش
وأحج البيت..سبع مرات.
……………….
