في حتت كده في حياتنا ما بتظهرش قدام الناس ولا بتتكتب في حكايه ولا بتتروى في سيره لكنها بتحصل جوه الروح بهدوء يخوّف ووجع يعلم ويغير شكل الطريق كله الممرات دي هي اللي بنمشي فيها لوحدنا من غير دليل ومن غير مرافق من غير ما حد يعرف إحنا رايحين على فين ولا هنوصل لإيه ولا هنرجع نفس الشخص اللي دخلها الممرات دي بتبدأ غالباً من وجع خفيف وجع
بنفتكره عادي حاجه هتعدي لكن مع الوقت يكبر ويتمدد ويحتل ركن ورا ركن لحد ما ياخد مكانه جواك من غير ما تستأذن ومن غير ما تدي نفسك فرصه تفهم إيه اللي بيحصل ليه بقيت تسكت أكتر وتفكر أكتر وتبعد أكتر ليه بقيت بتختار العزله بدل الزحمه والهدوء بدل الكلام والانسحاب بدل التبرير وفي اللحظات دي بس بتشوف حقيقتك من غير تزييف حقيقتك اللي محدش شافها غيرك
حقيقتك لما بتتخنق من كلمة ما كانش ليها لزمه ومن موقف كسر حاجه جواك ومن خيبه مشيت وراك لحد ما احتلت صدرك ومن ناس كنت شايفهم أمان وطلعوا أول باب اتقفل في وشك من غير ما يحسوا بك وهنا في الممر دا بالذات تعرف قد إيه كنت بتتجاهل نفسك قد إيه كنت بتأجل راحتك قد إيه كنت بتدي من قلبك لناس ما استحقوش وقد إيه كنت بتتحمل فوق طاقتك وتقول عادي
عادي عادي لحد ما كل العادي اتراكم وبقى مش طبيعي وتبدأ تتغير تتعلم إنك ما تبقاش متاح للجميع تتعلم إن قلبك مش فندق مفتوح وإن روحك مش ساحة تستقبل كل اللي يدخل ويخرج عليها بدون إذن تتعلم إنك تغلق الباب وقت ما تحس إن اللي قدامك مش جاي بخير وإنك تبعد بدون اعتذار لأنك ببساطه بتختار نفسك المره دي
وفي نص الممر تلاقي نفسك بتفتكر ناس كانت في حياتك وسبتك
ناس كنت بتبني عليها وهدتك ناس كنت شايلهم فوق دماغك وطلعوا أقل كتير من التوقع تفتكر كل حاجه ضحكت عليها علشان متتوجعش وكل حاجه مشيت عليها علشان تعدي وكل حاجه سكت عليها علشان ما تخسرش حد وفي الآخر خسرت نفسك من غير ما تاخد بالك لكن اللي ما يعرفوش الناس إن الممرات دي هي اللي بتصنعك هي اللي بتقويك هي اللي بتصفيك من الزيف والخيبه هي
اللي بتطلع منك النسخه اللي تستحق تعيش النسخه اللي بتعرف إمتى توقف وإمتى ترحل وإمتى تقول لأ وإمتى تقفل الباب بإيدك وتكمل ويمكن أحلى حاجه في الممر دا إن نهايته مش زي بدايته نهايته دايما أوسع أهدى أنضج أصدق لأنك بتخرج منه شايل جواك حقيقه واحده بس إن اللي اتكسر فيك عمره ما كان ضعف اللي اتكسر فيك كان الحاجه اللي لازم تقع علشان تبقى إنت اللي ما
يتكسرش تاني الممرات اللي بين السطور هي اللي بتكتبك من جديد بتكتبك بيدك مش بيد الناس بتكتبك بالحقيقة مش بالقناع وبتمشيك على طريق يمكن يكون طويل تقيل لكن على الأقل طريق ليك طريق ما حدش غيرك يعرف يمشيه ولا حد غيرك يستحقه
