إعداد وتقديم مرفت عبد القادر
مطبخ الصوت
يتم الغسيل بالملح والليمون والدقيق.
بتغلى الميه وتنزلى بالطحال صحيح بيكش جدا يغلى غلوتين.
و ارفعيه واتخلصى من الميه .
اغلى ميه تانى وانزلى بالطحال وضيفى بصل وملح وفلفل وطماطم وغطى عليه يغلى هدى النار وسبيه ساعة واختبرى السوى بالشوكة .
طلعيه يبرد تماما وابدأى قشري الغلاف الرفيع اللى عليه.
وابدأى قطعيه ترانشات متوسطة السمك .
سخنى معلقتين سمن فى الطاسة وانزلى بترانشات الطحال وضيفى ملح وفلفل وفصين توم مدقوقين بقرن فلفل حامى وقلبي حتي ياخد لون وريحة.
اطفى عليه وقدميه مع الممبار المحمر ورشةبقدونس .
وبألف هنا.
