طريقة عمل مدفونة البطاطس والمسقعة بالخل والتوم
إعداد وتقديم//مرفت عبد القادر
مطبخ الصوت
أولا : مدفونة البطاطس
المقادير:
بصل مفروم ناعم.
ثوم مفروم .
بطاطس مكعبات وسط .
ملح – فلفل .
كمون – كزبرة .
مكعب مرقة .
شبت مفروم .
كزبرة خضرا مفرومة .
عصير طماطم – صلصة .
كيلو ارز .
زيت – سمنة .
الطريقة:
حلة علي النار حطي شوية زيت ومعلقة
سمنة ونشوح فيها بصلة متوسطة متقطعة
صغير وفصين ثوم مفرومين معاها لحد ما
البصلة تاخد لون ذهبي خفيف انزلي عليها
ببطاطستين متقطعين مكعبات
وبعدين حطي رشة ملح وكمون وفلفل
اسود كزبرة ومكعب مرق وشوحيهم مع
بعض شوية.
انزلي بقى بنص حزمة من الشبت والكزبرة الخضرة وحطيهم على البطاطس يتشوح كله مع بعض .
انزلي بعصير الطماطم والصلصة.
وقلبيهم وسيبي البطاطس تستوي نص سوا
مع الطماطم بعد كدا حطي عليهم الارز.
مغسول وظبطي مية الارز لو احتاج ماية.
حطي و سيبي الارز يغلي غلوتين ويكمل سواه.
ثانيا: مسقعة بالخل والتوم:
باذنجان ـ بطاطس .
طماطم – بصل .
فلفل رومي – حامي.
صلصة.
ثوم مفروم – خل .
عصير ليمون – زيت.
ملح – فلفل.
كمون – شطة.
شوحي البصل المفروم مع التوم المفروم
وانزلي بالخل والصلصة والفلفل الرومي
والحامي والطماطم والبهارات وفي الاخر
البطاطس والبتنجان ياخدوا غلوة مع بعض .
