ياعزيزنا ياهُمام
المناصب مسئولية
مش بصورة أو كلام
وضحكة صفرا او تحية
أو بكلمة والسلام
وابتسامة وتمثلية
ليه تخلى النور ظلام
ليه تخلي الناس ضحية
ليه مرار كاسك مُدام
وإنت عايش دنيا تانية
بكره تسال ع العوام
الجزاء.. جنس العطية
إما جنة ويَّا سلام
أو خلود ف نار قوية
فوق ياصاحبى ياهُمام
واتقى ربك شوية
والتفت وارعىٰ العوام
ياما غيرك راح ضحية
منصبك عمره مادام
والكَفن خالي العَطية
واللي باقى عمل تمام
ذكرى باقية م اللى هيه
تشفع لك وقت الزحام
يوم حساب رب البرية
