إعداد وتقديم مرفت عبد القادر
مطبخ الصوت
أولا : نقشر البطاطس و نغسلها و نقورها و ننقعها في مايه و ننقع كمان قلب البطاطس عشان لونها ميغيرش (ننقى بطاطس متوسطة الحجم).
ثانيا : نعصج اللحمة المفرومة
في طاسة علي النار نضيف معلقة سمنة و معلقة زيت و ننزل ببصلة مبشورة تتشوح شوية وننزل عليها باللحمة المفرومة و نقلب لحد لونها ما يغير نضيف عليها معلقة صغيره فلفل اسود و ملح و السبع بهارات و رشة شطة و نقلب لحد ما تستوى نضيف عليها فلفل الوان متقطع قطع صغيرة (اختيارى ممكن تستغنى عنه) و نقلب و نطفي عليها .
ثالثا : نحضر الصلصة في حلة على النار نضيف معلقة كبيرة زيت و ننزل عليها ببصلة صغيرة مبشورة تاخد لون خفيف ننزل عليها بكوب عصير طماطم مصفى و نصف معلقة صغيرة فلفل اسود ووبهارات و ملح و نغطى عليها لحد ما تتسبك شوية و نضيف عليها كوب ماء.
( انا استخدمت معلقتين صلصة زودت عليهم كوب ماء و قلبتها كويس ) .
بعد ما الطماطم أو الصلصة تتسبك شوية نضيف عليها كوب و نغطى و نسبها على نار متوسطة تغلى غلوتين و نطفي عليها .
في طاسة فيها زيت ساخن ننزل بالبطاطس نحمرها من كل الجوانب للون الذهبى و بعدين نصفيها و نحمر قلب البطاطس و نصفيه من الزيت كويس .
نحشى البطاطس الل اتقورت ونجيب صينية نرص البطاطس باللحمة المعصجةوقبل مانرصها ناخد شوية من اللحمة نقلبها مع قلب البطاطس و نرصها في ارضية الصينية و بعدين نرص البطاطس ونضيف عليها الصلصة و ندخلها الفرن على درجة حرارة 190 في الرف الاوسط بتاخد حوالى من 15 ل 20 دقيقة لحد تمام التسوية و تتحمر كويس (ممكن اضافة موتزاريلا على الوجه حسب الرغبة).
وبالف هنا .
