مطبخ الصوت
تعالوا أقولكم نعمل بيها مهلبية فراولة إزاى؟
أول حاجة هنعمل ٣ أنواع مهلبيات قمر الدين وفراولة ومهلبية لبن عادية
هنجيب بولة نعمل فيها مهلبية لبن عادية جداااا نرفع اللبن ع النار ونضيفله سكر ونشا ونقلب لحد ماتتقل ونصب فى كوبايات.
..تانى حاجة هنجيب فراولة نضربها فى الخلاط مع مية عادى ونرفعها ع النار مع نشا وسكر ونقلب لحد ماتتقل ونصبها طبقة تانية ع الكوبايات تالت حاجة قمر الدين كلنا عارفين طريقته هننقعه فى مية سخنة لحد مايبوش خالص وبردو هنرفعه ع النار ونضيفله نشا وسكر ونقلب لحد مايتقل .. ونصبه طبقة تالتة فى الكوبايات.
أنا هنا الشكل المايل ده عملته بإنى كل مابصب طبقة من مهلبية بدخلها التلاجة نص ساعة تسقع وتمسك نفسها وبعدين أخرجها أكون محضرة النوع التانى ويكون برد شوية وأصبه فوقيه وهكذاا / وع الوش زوقتها بكريم شانتيه وكريز
