طريقة عمل خبز البالون الهش والمقرمش

إعداد وتقديم مرفت عبد القادر

مطبخ الصوت

المقادير:
• 2 و½ كوب دقيق
• 1 كوب حليب دافئ
• 1 معلقة كبيرة خميرة فورية
• 1 معلقة كبيرة سكر
• رشة ملح.

للتغطية:
• ½ كوب حليب
• 1 كوب سمسم

الطريقة:
في بولة صغيرة هتحطي الحليب الدافئ والسكر والخميرة، وقلّبيهم كويس وسبيهم 10 دقايق لحد ما الخميرة تتفاعل.

في بولة تانية كبيرة، ضيفي الدقيق والملح، وابدئي صبي خليط الحليب والخميرة عليهم، واعملي عجينة طرية وملساء.
اعجنيها حوالي 5 دقايق، وبعدين قطّعيها كرات متساوية الحجم.

غمسي كل كورة في الحليب وبعدين في السمسم، وغطيهم وسيبيهم يرتاحوا 10 دقايق.

بعد كده افردي كل كورة بالنشابة على شكل دايرة متوسطة السُمك، وقطّعي كل دايرة لأربع مثلثات.

رصّيهم على ورق زبدة، وغطّيهم شوية يرتاحوا قبل القلي.

قبل ما تقلي، غمسي كل مثلث من جهة واحدة في الحليب وبعدين في السمسم.

سخني زيت غزير على نار متوسطة، واقلي المثلثات لحد ما تنتفخ وتاخد لون دهبي حلو.

قدميها سخنة، واحشيها بالجبنة أو الشوكولاتة .

وبالف هنا .