إعداد وتقديم مرفت عبد القادر
مطبخ الصوت
المقادير:
• 2 بيضة بدرجة حرارة المطبخ
• 2 معلقة كبيرة خل
• 2 كيس فانيليا
• 1 و نص كوب سكر أبيض
• 3/4 كوب زيت نباتي لونه فاتح
• 1 كوب حليب بدرجة حرارة المطبخ
• 2 كوب دقيق منخول
• 1 معلقة كبيرة نشا
• ذرة ملح
• 1 كيس بيكنج بودر
طريقة التحضير:
• في بولة، حطي البيض والخل والفانيليا، واضربيهم بالمضرب اليدوي نص دقيقة.
• ضيفي السكر الأبيض وكمّلي خفق نص دقيقة كمان.
• ضيفي الزيت وقلّبي بالمضرب نص دقيقة.
• ضيفي الحليب وقلّبي كويس.
• في بولة تانية، اخلطي الدقيق مع النشا والملح والبيكنج بودر، وانخليهم مرتين.
• ضيفي المكونات الجافة على السوايل وقلّبي بالمضرب السلك من تحت لفوق لحد ما الدقيق يختفي.
• لو عايزاها عالية، استخدمي صينية مقاس 24.
• لو عايزاها متوسطة، استخدمي صينية 26.
• سخّني الفرن قبل الخبز بربع ساعة، واضبطيه على درجة حرارة 160.
• بتستوي في حوالي 40 دقيقة.
أسرار نجاح الكيك:
• البيض والحليب لازم يكونوا بدرجة حرارة المطبخ.
• نخل الدقيق مرتين بيدخل هوا للعجين وبيخلي الكيكة هشة وخفيفة.
• الخلط بالمضرب السلك بعد إضافة الدقيق يحافظ على الهوا اللي دخل العجينة.
• متفتحيش الفرن أول 30 دقيقة نهائي.
• صبي العجينة في الصينية بسرعة أول ما تخلصي التقليب.
• لو وش الكيكة بيغمق، غطيه بفويل بعد أول نص ساعة.
• لما الكيكة تستوي، اقفلي الفرن وسيبي الباب مفتوح شويه وسيبي الكيكة جوا الفرن 10 دقايق تهدى تدريجي، ده بيمنع هبوط الكيكة.
• لما تطلعيها، سيبيها تهدى برّه كمان 10 دقايق قبل ما تقلبيها.
بالف هنا .
