إعداد وتقديم مرفت عبد القادر
مطبخ الصوت
المقادير :
كيس مكرونة قلم
ربع كيلو دجاج
فلفل اخضر واحمر
عصير طماطم
ملح وفلفل اسود
بابريكا بهارات دجاج
وكسبرة ناشفة
توم وبصل بودر
صلصة طماطم
معلقتين خل
بصلية متقطعة
معلقة كبيرة توم مهرووس.
طريقة تحضير الدجاج :
طاسة فيها معلقة سمنة وزيت وانزل بالدجاج واشوحه وانزل عليها بالبصلة واشوحهم مع بعض وابهرها بملح وفلفل وتوابل فراخ وتوم وبصل بودر وبابريكا وانزل عليهم بالفلفل ومعلقة صلصة واسيبهم مع خمس دقائق علي نار هادية .
طريقة تحضير الصلصة :
حلة فيها معلقتين زيت وانزل بعصير الطماطم وكوبيتن مياه وملح وفلفل وبابريكا وتوم وبصل بودر وكسبرة ناشفة واسيبهم يغلوا بس غلوتين اضيف معلقة توم مهرووس واربع معالق كبيرة خل يغلوا غلوة .
وأطفي علي الصلصة علشان عاوزين الصلصة خفيفة شوية علشان تسوي معانا المكرنة .
طريقة تحضير الطواجن :
اجيب الطواجن وادهنها الاول زيت علشان لما اقلب الطواجن يتقلب بسهولة وبعد كده انزل الدجاج في الطواجن واضيف عليها المكرونة بس مش مسلوقة .
لحد نص الطاجن لأن لسه المكرونة لما تدخل الفرن هتستوي وحجمها هيضاعف وبعد كده انزل بالصلصة تغطي معانا المكرونة.
واغطيها بورق فويل وادخلها الفرن درجة حرارة 200 في الرف الاوسط لمدة 35 دقيقة واطلعم من الفرن واسيبهم خمس دقائق وااقلب الطاجن في الطبق .
وبألف هنا.
