إعداد وتقديم مرفت عبد القادر
مطبخ الصوت
المقادير:
2 كوب دقيق سميد
معلقتين جوز هند
نصف كوب سمنة
نصف كوب سكر
معلقتين عسل النحل او عسل كلكوز
ربع كوب لبن او كوب زبادي
معلقة صغيرة بيكنج باودر.
طريقة عمل الشربات :
كوب ونصف سكر على كوب ونصف ميه ولمونة ولو في معلقة ميه ورد ماشي ما فيش خلاص ويغلو عشر دقائق أو ربع ساعة وقبل ما تقفلي النار نحط معلقة فانيليا .
الطريقة:
في حلة على النار ننزل اللبن والسكر ومعلقتين العسل واول ما السكر يدوب اطفى النار و نحطهم فى طبق
وننزل عليهم بالسميد وجوز الهند والسمنة
ونقلب .
إدهني صنية بالطحينة والسمنة مقاس 30 وانزلي فيها البسبوسة واول ما تحمر من الجناب افتحي الشواية.
وبعد ما تحمر بسيط
انزلى عليها بشربات السخن وسيبيها في الفرن المطفي السخن ونغطيها
ملحوظة:
البسبوسة تكون سخنة والشربات سخن وخفيف
بالف هنا .
