شريف فزاع
قالولي احكي عنك ؟؟
لاقيتني بغني
وقابلتك انت
لقيتك بتغير كل حياتي
معرفش ازاي انا حبيتك
بانت ملامحي ازاي
بتتغير أن جات سيرتك
ولا وصفي لاول صدفة
يوم ما لمحتك
واول مقابله بينا
بشكل رسمي
ازاي قابلك حبيت والله مانا عارف
وكيف معاكي بقيت
طير حر ف سما صافيه
اسير متغمي بحبك شايف ..شايف
طريقه قدامه طشاش بالعافيه
كأنك انجازي الاول
وكاني الدرويش ف حب الزمالك
عمره ما يتغير ولا يتحول
دانا بس لو اعرف اكتب شعر
كنت كتبت فيكي احساسي بطريقه
اجمل بأسلوب يليق متجمل
أو اعيد كلامي ده من الاول
لقيتني بسرد تفاصيل
اول مكالمه
وازاي كنت بحب وأياكي
النهار !!
وكيف كان الليل ؟؟
لاقيتني بحكي عن شكل اسمك جنب اسمي
وازاي الورد بيحلي جناين كانت شوك
وبتطرح الوانه البهجه ف قلوب كانت
دبلانه افراح قبل اما يقابلوك.
