تخليل اللفت بطريقة صحية ومضمونة
مطبخ الصوت
اللفت في السوق بيكون حزم مربوطه اختاروا اللفت يكون ناشف وتحسي أن راس اللفت تقيله لو خفيفه يبقى مخوخه من جوه يعني زي السفنج وأضغطي عليه لو طري يبقي مش صابح واختاري حجم الرأس المتوسطه
أغسليه بفرشه الخضار ونشفيه قبل التقطيع ولو فيه طين انقعيه ف ميه خمس دقائق والطينه هتنزل منه
أفرزيه و خلي الحجم الصغير لوحده سليم من غير تقطيع فبرطمان ودا بيعيش وقت طويل وقطعي اللفت الكبير اصابع سميكه مش رفيعه علشان ميتهريش منك
بعد التقطيع رشي عليه شويه ملح ع الوش مش كتير وسبيه ف مصفاه ساعتين ينزل الميه بتاعته عشان الميه دى هي سبب انه يريم وتكون ريحته مش مرغوب فيها لم ينزل ميته يتغسل كويس ويتصفي
نرصه فى برطمان مع قرون فلفل ونعمل محلول التخليل لكل لتر ماء ٤ معالق كبار ملح وملعقتين سكر علشان يفضل مقرمش لغايه اخر واحده وملعقتين هريسه شطه وممكن تقطعى معاه واحده بنجر واللفت بيحمر معاكي من غير بنجر
وتكمل حلاوته لم نضيف عليه معلقه كبيره ثوم مقطع فريش مش مجمد بيكون افضل بتاخد الطعم في حته تانيه
دمتم بصحة
