طريقة عمل الدقة المصري
إعداد وتقديم// مرفت عبد القادر
مطبخ الصوت
المقادير :
كوب سمسم أبيض
كوب سمسم متحمص
كوب حمص تسالي من بتاع المقلة
كوب فول سوداني متحمص من غير قشر
نص كوب كسبرة ناشفة حصي
ربع كوب كمون حصي
الطريقة:
فى طاسة على النار هتنزلي بالسمسم الابيض وعليه الكسبرة والكمون وتديهم تحميصة حلوة اوووي وتفضلي تقلبي فيهم لحد ما ريحه التوابل و بعد كدا هتنزلي عليهم بباقي المقادير بس هتسيبي من السمسم المتحمص معلقتين على جنب وتشوحيهم دقيقة وفى كبة الخلاط او اي كبه عندك هتطحنيهم كويس وبعد كدا تقلبيهم مع بعض كويس وتضيفي عليهم معلقتين السمسم اللي سيبناهم على جنب وفى برطمان نضيف وناشف احفظيهم لو كمية قليلة خليها بره التلاجة عادي ولو كمية كبيرة سيبي برطمان صغير واحفظي الباقي ف الثلاجة .
جنب بطاطس محمرة او جنب طبق فول على الفطار مع شوية معجنات هتاكلوها بالعيش كدا من غير اي حاجة بصوا الدقة دي السهل الممتنع تنفع جنب اي اكل وبتحلي اي اكلة تتحط معاها وبألف صحة وهنا .
طبعا اللي عنده نوي مشمش يقدر يطحنه مع الدقه بتبقي رهيبة فعلا.
