إعداد وتقديم مرفت عبد القادر
مطبخ الصوت
أولا كوسة الطبيخ :
هنشيل القمع وننضفها ونغسلها بعد كده نقطعها حلقات فى صينية هنحط معلقتين زيت وننزل بالكوسة ونشوح الكوسة لمدة دقيقتين هنقفل النار ونسيبها لحد ما تبرد هنحطها فى أكياس تخزين أو علب بلاستيك وندخلها الفريزر الطريقة دى افضل بكتير من السلق والبخار بكده مش هتجلد ولا تتهرى.
ثانيا كوسة المحشى :
هنشيل القمع ونقورها ونغسلها وهنجيب صينية ونحط معلقتين زيت وننزل بالكوسة نشوحها دقيقتين ونقفل النار ونسبها تبرد هنجيب صينية ونرص الكوسة مقلوبة على وشها وندخلها الفريزر تتجمد بعد كده هنطلعها ونرصها فى أكياس وندخلها الفريزر ووقت ما نطلعيها نسيبها خمس دقايق ونحشيها على طول.
تقوير الكوسة:
الي بيطلع من الكوسة نحطه فى كيس وندخله الفريزر ولما نعمل شوربة عدس نحطها مع باقى الخضار بتخلى العدس تحفه وممكن تعملى بيها عجة.
