تقديم وإعداد مرفت عبد القادر
مطبخ الصوت
المقادير:
كيلو لحمة
بصل شرائح رفيعة
فلفل رومي شرائح رفيعة
3فصوص توم
معلقة كبيرة صلصة
ملح .فلفل اسود
فلفل ابيض مطحون
بهارات لحمة
رشة جوزة الطيب
باكو مرقة
شوربة
معلقة كبيرة سمنة
معلقتين زيت
الطريقة:
هنجيب اللحمة قطعة واحدة ونفورها .
بمعنى إننا هنسلقها نص سلقة وطبعا ننزل بالشوربة .
والكرفس والجزر والبصل والطماطم والفلفل .
بعدين نطلع اللحمة ونسيبها تبرد وتبتدي تقطعها شرايح.
بعدين نقطع فلفل رومي شرائح وبصل شرايح رفيعة نقطع فصوص التوم ترنشات
ونجيب الصينية .
ننزل فيها من تحت بصل وفلفل رومي شرايح ونرص فوقيها اللحمة .
ونزل فوقيها شرائح بصل والفلفل نرش الملح والفلفل والبهارات ورشة الفلفل الابيض المطحون وفصوص التوم ورشة بسيطة من جوزه الطيب.
وبعدين طبق وننزل فيه معلقة الصلصة وعليها كوباية الشوربة وندوبها كويس جدا
ونرشها علي اللحمة خلي الشوربة توصل لاول اللحمة وبعدين نضع الصينية علي النار وننزل السمنة والزيت ونغطيها لغاية ماتغلي
بعدين نولع الفرن وندخل جواه الصينية وكل شوية نقلبها عشان تبقي كلها لون واحد
لغاية ماتاخد لون وتستوي كويس .
وبالف هنا .
