إعداد وتقديم مرفت عبد القادر
مطبخ الصوت
المقادير :
1/2 كيلو كنافة
1 كوب سمنة سايحة
1/2 كوب سكر بودرة
الكريمة:
3 كوب لبن
2 ملعقة كبيرة نشا
2 ملعقة كبيرة دقيق
2 ملعقة كبيرة قشطة
1 ملعقة كبيرة سكر.
الشربات:
2 كوب سكر
1.5 كوب ماء
عصرة ليمون.
الطريقة :
أولاً الكنافة بتكون متجمدة في الفريزر ، نطلعها نفرمها في الكبة أو بإيدينا ، وعلى رخامة نضيفة بننزل الكنافة عليها السكر وندمجهم مع بعض جيدا ، ثم نضيف السمنة ونغلف الكنافة بيها جيداً .
وفي صينية مقاس 28 أو 30 مدهونة سمنة جيدا بننزل بنصف كمية الكنافة تقريباً المهم تكون طبقة رفيعة جدا ،
سخنة ونضغطها جيدا في الصينية ثم نضيف عليها طبقة الكريمة ونترك الطبقة لحد ماتبرد ،
ثم نضيف النصف الثاني من الكنافة أو لحد ماتغطي طبقة الكريمة ،
و تكون أيضا طبقة رفيعة فمش لازم نضيف نص كيلو الكنافة كله وبعد ذلك بنضيف طبقة خفيفة من السمنة السايحة بالفرشاة من علي الوجه.
ثم ندخلها الفرن علي درجة حرارة 200
علي الرف الأوسط وبتاخد من 30_35
دقيقة ، لحد ماتاخد اللون الذهبي ونطلعها ونتركها تهدا 10 دقایق تقريباً.
ثم نصب عليها نصف كمية الشربات البارد من فوق ثم نقلبها ونسقيها بالنص الباقي من الشربات من الجنب التاني ، ثم نتركها تهدا لحد ماتبرد قبل مانقطعها عشان الكريمة تطلع متماسكة.
وبألف هنا.
