إعداد وتقديم مرفت عبد القادر
مطبخ الصوت
المقادير:
2كوب دقيق .
4بيضات .
2 معلقة كبيرة نشا .
2 كوب ميه.
معلقة سكر كبيرة .
نص كوباية زيت .
معلقة صغيرة ملح .
الطريقة :
في حلة على النار هنحط الميه والزيت
ومعلقة السكر ولما يغلو هنضيف باقي المكونات من غير البيض ونقلب كويس
لما تبقي عجينة ونطلعها من الحلة ونضيف البيض واحدة واحدة ونقلب كويس ومع كل بيضة رشة فانيليا ونسيبها تبرد خالص الاول اهم حاجه العجينة تبرد.
التسوية في زيت بارد وغويط تاني وبعدين نسيب الزيت يبرد خالص .
وبعدين بنجيب صنية كبيرة وندهنها زيت ونقطع كل الكمية الاول وبعدين الطاسة فيها زيت بارد ونحط فيها البلح على حسب ما تاخد وبعدين نحطها على البوتاجاز ومنقلبش الا بعد خمس دقايق وبعد ما نطلع اول دور نطفي النار على ما الزييت يبرد تاني خالص ونعمل باقي الكمية
بالنسبة للقمع عملاه من غطا ازازة زيت.
عمل الشربات:
كيلو سكر.
نص لتر ميه 3مجات .
عصير نص ليمونة وفانيليا ومبنقلبش خالص لحد ما السكر يدوب ونحط الليمون والفانيلا ونهدي النار حوالي ربع ساعة ولازم يبرد خالص والبلح يبقي سخن.
وبألف هنا.
