إعداد وتقديم مرفت عبد القادر
مطبخ الصوت
المقادير :
كيلو دقيق ابيض
نصف كوب زيت
كوب سمنة
باكو خميرة
معلقة كبيرة سكر
كوب ماء دافئ
رشة ملح
معلقتين كبار سمسم
معلقة صغيرة يانسون ومعلقة صغيرة شمر محمصين على النار وده اختيارى .
طريقة التحضير :
اول حاجة نقدح السمن والزيت على النار لحد ما يسخن جامد يعنى يكون قدح معانا.
هندوب الخميرة مع السكر في ربع كوب ماء ونتركها على جنب لمدة خمس دقائق لتتفاعل .
هنجيب طبق كبير ونضع فيه الدقيق والملح
والسمسم والينسون والشمر ونقلت كل المواد الجافة مع بعض وننزل بالسمن المقدوح عليه ونقلب بمعلقة خشب لحد ما يشرب الدقيق السمنة.
واهم حاجة البس يعنى تبسيه كويس وبعد كده ننزل بالخميرة
والماء الدافئ ونقلب كويس لحد ما العجينة تبقى لينة من غير تشققات.
وتقطعى العجينة وترص في صوانى ونتركها ترتاح لمدة نصف ساعة
وبعد كده تتدخل الفرن على الرف الأوسط وبعد كده تحت الشواية .
وبألف هنا.
