طريقة عمل كباب الحلة 

إعداد وتقديم مرفت عبد القادر 

مطبخ الصوت 

المكونات:

1 كجم لحم ضأن أو بقر (مقطع مكعبات)

كيلو بصل مقطع مكعبات

2 ملعقة كبيرة زيت نباتي اوسمنة بلدى

1 ملعقة صغيرة بهارات لحمة

ملح وفلفل اسود

1-2 حبة فلفل رومي (مقطع)

نص كوب ماء أو مرق.

الطريقة:

1. فى حله على النار هنضيف معلقتين السمنه البلدى أو الزيت يسخن

2. إضافة اللحم: أضيفي مكعبات اللحم وقلبي حتى تتغير لونها.

3. اضافه البصل والفلفل

4. التوابل: أضيفي الفلفل الاسود ومعلقه بهارات اللحمه وساعات يستغنى عنها ويبقي ملح وفلفل اسود بس.

بقلب واغطى عليها وعلى نار هادية خالص بسيبها تستوى مع بعض

وبعدين بتفتح عليها ونقلب بين كل فترة التانية هى بتنزل الميه ال فيها

وبعدين لو لقيتها محتاجة سوائل بضيف نص كوب الشوربة او الميه واغطى تانى

لحد ماتستوى ولو شربتها واحتاجت تانى بضيف ليها نص كوب اخر

لحد ماتستوي خالص بضيف الملح واسيبها شوية وبعدين أطفئ عليها

واكون مجهزة فحمة احطها فى ورقة فويل بعد ماتصفي وفى الحلة فى النص

واضيف عليها معلقة زيت واغطى على الحلة .

يقدم مع عيش أو ارز.

 والف هنا.