إعداد وتقديم مرفت عبد القادر
مطبخ الصوت
المقادير :
2 كوب دقيق
2 كوب ماء
بيضة
ربع كوب زيت وممكن زبدة
رشة سكر + رشة ملح
معلقتين كبار نشا + معلقتين كبار سميد بسبوسة .
تحضير الشربات :
2 كوب سكر عليهم كوب ونص مية حطيهم في حلة علي نار متوسطة واعصري عليهم نص ليمونه وسيبي الشربات يغلي حوالي 5 دقائق او 7 دقائق وقبل ماتطفي عليه حطي كيسين فانيليا بعد كدا أطفئ عالشربات وسيبه يبرد خالص
الطريقة :
هاتي حله وحطي فيها المية ورشة الملح والسكر والزيت .
وحطيها علي النار واول ماتبدأ بالغليان أطفئ النار وحطي الدقيق وقلبي بالمعلقة في الدقيق لحد مالعجينة تبرد خالص حطي البيض عالعجينة وكمان رشة فانيليا واعجني كويس بايديكي وفي الاخر حطي النشا والسميد واعجني بردو كويس جدا لحد ماتكون معاكي عجينة طرية ولينة .
هاتي كيس الحلواني وقمع بلح الشام قبل ما تحطي العجينة في الكيس الحلواني إدهني الكيس مسحة بسيطة من الزيت عشان العجينة تنزل معاكي بكل سهولة :
في طاسة حطي فيها زيت غزير وشكلي فيها بلح الشام والزيت يكون بارد بعد كدا ولعي النار عليه يستوي والنار تكون هادية عشان يستوي كويس جدا اول ماياخد لون احمر اقلبية الناحية التانية يحمر طلعيه من الزيت علي الشربات علي طول.
والشربات طبعا يكون بارد وبلح الشام سخن .
طلعي بلح الشام من الشربات علي مصفي عشان يصفي اى شربات زيادة كل مرة تسوي بلح الشام علي النار لازم تبردي الاول الزيت عشان بلح الشام ميتحرقش منك ويستوي كويس .
وبألف هنا.
