في لحظة ما تكتشف إنك ما عدتش بتتأثر بالحاجات اللي كانت بتهزك زمان وإن ردود فعلك اختلفت وإن قلبك بقى أهدى وإنك بقيت تشوف الأمور من فوق كأنك طلعت درجة أعلى من صراعات كتير ما بقتش تستهلكك زي زمان وتبدأ تفهم إن النضوج مش معناه إنك بقت أقوى ولا أصلب لكنه معناه إنك بقت أعمق بقت عارف قيمة طاقتك وقيمة وقتك وقيمة قلبك وإنك بطلت تجري ورا اللي.
مش ليك وبطلت تثبت نفسك في أماكن ما تستاهلش وتلاحظ إنك ما عدتش بتزعل بسرعة وإن الكلام ما بقاش يكسر زي الأول وإن الناس اللي كانت جزء أساسي من حياتك بقت مجرد صفحة في تاريخك وإن اللي مضايقك النهارده يمكن بكرة ما يكونش ليه أي أثر وتسأل نفسك من إمتى اتغيرت بالشكل ده إمتى بطلت ترد على كل حاجة وإمتى بقى سكاتك مش ضعف لكن اختيار وإمتى بقيت.
تدافع عن راحتك قبل ما تدافع عن أي حد ومع التفكير تفهم إنك مريت بتجارب علمتك غصب عنك علمتك يعني إيه حد يخذلك ويعني إيه حد يسندك ويعني إيه تمشي لوحدك ويعني إيه تختار نفسك حتى لو الخسارة تقيلة وتبدأ تتعامل مع الدنيا بوعي جديد وهدوء أكبر وتقبل أعمق لفكرة إن مش كل حاجة هتكمل وإن مش كل الناس هتفضل وإن مش كل الأبواب لازم تتفتح وإن في حاجات.
مصيرها إنها تخلص علشان حاجات أحسن تبدأ وتحس إن النضوج مش مرحلة بتوصلها لكنه عملية مستمرة عملية فيها وجع وفقد ووعي وارتباك وفرح صغير بيطلع من بين السطور وراحة داخلية بتكبر يوم بعد يوم تدرك إنك ما كبرت عشان الزمن لكن كبرت عشان فهمت وإن النضوج الحقيقي هو إنك تعيش من غير ما تثبت لحد حاجة ومن غير ما تحمل نفسك فوق طاقتها ومن غير ما تتراجع عن حقك في السلام .
