إعداد وتقديم مرفت عبد القادر
مطبخ الصوت
المقادير :
2 كوب دقيق = 250 جرام
نص كوب سميد = 90 جرام
نص كوب سكر بودرة 80 جرام
نص كوب جوز هند = 40 جرام
نص كوب زبدة او سمنة = 110 جرام
ربع كوب زيت = 45 جرام 2 بیضة
معلقة صغيرة بيكنج بودر
كيس فانيليا
الطريقة :
هننزل بالزيت والسمنة والسكر ونخلطهم كويس و بعدين نحط عليهم بيضة كاملة
و بياض بيضة و الفانليا و نخلطهم كويس جدا و بعدين ننزل بالسميد وجوز الهند و البيكنج بودر و آخر حاجة الدقيق هنزل بيه مرة واحدة و هبدا المها و بلاش عجن كتير خالص اهم حاجة عشان متبقاش بسکویت و ناشفة مجرد ما تلم تبقي تمام و هتبقي عجينة طریة و مش بتلزق و بتتشكل بكل سهولة و بعدين نجيب صنية ندهنها مسحة خفيفة جدا زيت و نبدأ نشكلها مدورة او الشكل اللي شبه العين المعروفة بيه ده و بعدين نعملها عليها بالشوكة كده خطوط و نكون مسخنين الفرن قبلها ب 5 دقایق كده و ندخلها على درجة حرارة 180 لمده 8 ل 10 دقايق بالكتير اول لما تاخد لون من تحت اشغل الشواية تاخد لون من فوق و اول لما تطلع انزل عليها بالشربات البارد و اسبها في الشربات اقل حاجة ربع ساعة و بعدين هتاكلو احلي رموش في الدنيا.
مقادير السيرب او الشربات :
2 كوب سكر
2 كوب ماء
عصير ليمونة
الطريقة : بحط السكر و الميه واول لما يبدأ يغلي اعصر لیمونة و اسیبو دقيقة و اقفل عشان يبقي خفيف و نسيبو يبقي بارد خالص.
