الناس باعت الحديده ومبقاش في بلاطة والناس قلعت الهدوم وبقت من غير هدوم يعني محدش هيعرف يقلع الناس هدومهم علشان الناس هتيجي عريانة الناس بتشتري المستعمل وبتصيف في البلكونة او علي شط الترعه عبارات وكلمات كلها تصب في خانة واحده وهي قرف المواطن في عيشته حاله يعيشها التخين والرفيع والطويل والقصير والكبير والصغير والأبيض والأسود يعني قول كده مهرجان من القرف او كوكتيل قرف كله مضروب في خلاط نعيشه من زياده الأسعار الجنونية التي جعلت الناس اتجننت والناس بتكلم نفسها تجد الواحد من دول يسير في الشارع وفجأة تجده يصرخ ويردد كلمات كلها تؤكد علي علامة قرفه حتي صورة القمامة تغيرت وأصبحت قمامة لايقترب منها اي حيوان لعدم وجود بقايا من الطعام مثل السابق..
عزيزي القاريء زياده تعريفة المياه والصرف الصحي وزيادة تعريفة شريحة الكهرباء بجانب الزيادات في المحروقات بخلاف الأسعار التي حدثت لها جنان في السلع والملابس جعلتنا نسأل اذا كانت هناك اسر تعيش من الأموال التي تحصلها من نتاج ان عندها او تمتلك ميكروباص وبيكسب والمترو يخسر الكهرباء تحصل فواتير مجنونه والكهرباء تخسر والمياة تأخذ وتحصل مصروفات الصرف الصحي وتخسر بخلاف الطرق التي تحصل تذاكر زى الرز وتخسر الصناديق الخاصة السؤال هو ليه المشروعات الخاصة بتكسب والحكومية بتخسر وكمان مديونه ؟
عزيزي القاريء تنهب البلد وقلعت الناس الهدوم وبخلاف ان الصناديق الخاصة تذهب لفئة معينة في حال من الاحوال المواطن خرج من هدومه نعم واتجنن نعم وبيكلم نفسه نعم في ظل غياب اخونا نواب البرلمان الذين اخذوا علي عاتقهم الشيء الذي يحرق المواطنين ويقلب جيبوهم ويخلعهوهم هدومهم ففي الحقيقة هناك ناس تمتلك البروسلين وناس مش لاقيه بلاطه وناس عندهم من الحديد اطنان وناس باعت الحديده في النهايه المواطن لايجد في الزير ماء الحالات المتكررة نحو الانتحار تؤكد أن هناك حلقه مفقوده منعت وسيلة الاتصال من العمل علي اي حال مهرجان القرف مازالت حلقاته مشتمرة
……الخلاصة
موجة غلاء الاسعار اكتسحت جيوب الغلابة وجعلت المواطن يضرب كف علي كف
….فيتوووووو
ناس بتكسب ومابتتعبشي وناس بتتعب وما بتكسبشي
