مطبخ الصوت
المقادير
كيلو لحم مفروم أو أي كميه
رغيف عيش مبلول
٢٠٠ جرام دهن او لية ضاني ودي افضل بتدي نفس طعم الكفتة بتاعة المطاعم
كمية البصل علي قد كمية اللحم بصله كبيرة مفرومة ناعم لكل كيلو لحم ونصفيه كويس من الماية ونسيب الماية علي جمب.
التوابل
م ص ( ملح – فلفل اسود)
م ص بابريكا
م ص ( كمون – كزبرة – رشه قرفة )
م ص بيكنج بودر بتخلي الكفتة متكشش وهشة ومش مكتومة
ولو اللحمه مش مفرومه هنحط كل التوابل معاها والبصل ورغيف العيش المبلول ونعصره كويس اوي ونفرمها وش خشن وبعد ما نفرم الكميه كلها هناخذ نص الكميه ونفرمها وش ثاني ناعم
واهم حاجه نعجن كل المكونات كويس جدا وبعد كده هنخليها في الثلاجه على اقل خالص نص ساعه علشان ترتاح وعشان انسجة اللحم تتماسك ومتفكش على السيخ
نيجي لماية البصل نضيف عليها ملح وفلفل اسود وبابريكا ومعلقتين زيت
ونبد بيها ايدينا واحنا بنصبع الكفتة سواء ؏ السيخ او علي عصيان الشيش طاووق
وتتشوي علي الفحم او ف الفرن علي درجة حرارة ٢٠٠
ولما تتطلع نحط معاها فحمة ونغطيها عشان تاخد ريحة الشوي
