طريقة جديدة لعمل الطعمية بدون نقع الفول 

إعداد وتقديم مرفت عبد القادر 

مطبخ الصوت 

المقادير والطريقة:

هنجيب كوب من الفول المدشوش وننقيه كويس هنحط الفول المدشوش فى مطحنة الخلاط ونطحنه لحد ما يبقى ناعم .

هنحطه فى طبق ونضيف كوب ماء ساخن ونقلب ونسيبه على جنب هنجيب الكبة ونحط بصلة مقطعة و3 فصوص ثوم وكوب كرات مغسول ومقطع ونص كوب كزبرة خضراء .

نفرم كويس جدا ثم نضيف الفول المدشوش ونضيف الملح والكمون وكزبرة ناشفة وبيضة أو ربع ملعقة صغيرة بيكنج بودر ونفرم كل المكونات.

فى طاسة فيها زيت نشكل أقراص الطعمية ونبل ايدينا بالميه ونحط سمسم ونقلى فى الزيت وممكن باقى عجينة الطعمية نحطها فى كيس وندخلها الفريزر.

وبألف هنا.