طريقة عمل الكيكة الاسفنجية

إعداد وتقديم مرفت عبد القادر 

مطبخ الصوت

 المقادير :

3 بيضات

 معلقة صغيرة فانيليا

 كوب و ربع سكر

 كوب إلا ربع خليط سمنة على زيت

كوب إلا ربع لبن

 2 كوب دقيق منخول و عليه رشة ملح و معلقة كبيرة بيكنج بودر .

 طريقة التحضير :

في بوله نضيف البيض و الفانيليا و السكر و نضربهم كويس قوى لحد ما يبقي لونها فاتح

وبعدين نضيف الزيت و نكمل ضرب

 و بعدين نضيف اللبن و نكمل ضرب

 ننزل بالدقيق بالتدريج مع التقليب في اتجاه واحد لحد ما يختفي الدقيق

في صينية ( مقاس 25 ) مدهونة سمنة او زبده ننزل عليها بالخليط.

 ندخلها الفرن ساخن قبلها ب 10 دقائق على درجة حرارة 180 بتاخد حوالى 40 ل 45 دقيقة و نختبرها بعود خشبى من منتصف الصينية عشان نتأكد انها استوت

 اذا كانت لسة نية من المنتصف نهدى عليها الفرن و نسبها حوالى دقيقتين و نطفي عليها وبألف هنا .