ترامب وإيران هدنة مؤقتة ولا بداية اتفاق؟ قراءة في تفاهم الـ60 يوم
بقلم الصحفي ياسر زينهم
بعد 40 يوم حرب وتهديدات بمسح حضارة كاملة زي ما ترامب قال فجأة الدنيا هديت
أمريكا وإيران وصلوا لمذكرة تفاهم أولية لوقف إطلاق النار لكن لسه الورقة دي في إيد ترامب يمضي عليها أو يرميها
1 جوهر الاتفاق هدنة مقابل فلوس ونفط
الصيغة اللي خرجت لحد دلوقتي مش سلام دائم دي صفقة تجميد
إيران تفتح مضيق هرمز فوراً من غير رسوم وتشيل الألغام، وتبيع نفطها بحرية وتتعهد بعدم السعي لسلاح نووي
أمريكا ترفع حصار الموانئ الإيرانية وتدي إعفاءات مؤقتة من العقوبات وتوقف القصف لمدة أسبوعين قابلة للتمديد 60 يوم
المقابل الكبير مفاوضات خلال الستين يوم عن تعليق تخصيب اليورانيوم والتخلص من المخزون عالي التخصيب
ترامب وصفها بـ نصر كامل وشامل 100% بس الحقيقة إنها أقرب لهدنة تكتيكية
2 مين اللي حرك المية الراكدة؟
باكستان
رئيس الوزراء شهباز شريف والماريشال عاصم منير لعبوا دور الوسيط وطلبوا من ترامب يوقف القصف ليلة واحدة مقابل فتح هرمز فوراً
إيران ردت بمقترح 10 بنود وأمريكا شافت فيه أساس قابل للتطبيق
3 ليه الاتفاق هش؟
لأن الخلاف الأساسي لسه متحلش
أمريكا وإسرائيل عايزين إنهاء البرنامج النووي والصاروخي ونفوذ إيران الإقليمي
إيران عايزة الاتفاق يقتصر على النووي وبس
القوات الأمريكية هتفضل محشودة في المنطقة ومش هتنسحب إلا لو في اتفاق نهائي قابل للتحقق
يعني الستين يوم دول مهلة اختبار مش نهاية القصة
الخلاصة في الكبسولة
اللي حصل مش سلام، ده وقف نزيف ترامب كسب تعليق الحرب وفتح هرمز وإعلان نصر وإيران كسبت تنفس اقتصادي وبيع نفط
لكن اللعبة الحقيقية هتبدأ دلوقتي على طاولة التفاوض هل إيران هتقبل تفرّط في اليورانيوم عالي التخصيب مقابل رفع العقوبات؟
ولا الهدنة هتنهار زي اللي قبلها؟
المنطقة لسه على صفيح ساخن والـ60 يوم الجايين هيحددوا إذا كان ده بداية تفاهم ولا مج
رد هدنة قبل الجولة التانية
