مطبخ الصوت
م ك سكر
2 م ك خميره
2 كوب ماء دافيء
2 كوب ونصف دقيق
نصف كوب نشا
ملعقة خل
حطي الخميرة والسكر في بوله ودوبيهم في كوبايتين مايه دافيه وسبيهم شوية يخمروا مع بعض
حطي الدقيق علي النشا و عليهم خليط الخميره وابدأي ليتي العجينه بايدك ( لت العجينة ) لحد ماتبقي عجينه سايلة معاكي
غطيها بالاسترتش ياقمر وسبيها تتخمر ساعة وبعدين ابدأ شكلي الزلابيا بالمعلقه مدهونه زيت وانزلي بيها في زيت غزير زي دافي تاخد نص تحميره وطلعيها
انزلي بيها تاني في زيت غزير سخن تتحمر معاكي وتاخد اللون الدهبي الجميل بتاعها وبعدين انزلي بيها في الشربات قوامه زي قوام عسل النحل كده بس بارد
الشربات
4 كوب سكر
2 كوب ماء
عصير ليمون
انزلي بالسكر في الحله و انتي بتنزلي بالمايه خليها تبقي حوالين السكر عشان الجوانب متتحروقش و اول ماتغلي حطي عصره نص ليمون تغلي غلوتين واطفي سبيها تبرد قبل ماتحطي الزلابيا السخنه
