أيام النبي صلى الله عليه وسلم والصحابة العيد كان ليه طعم تاني
مش زحمة ولا مباهاة كان ناس بسيطة وقلوبها أنضف من أي حاجة
لو بصيت على الأضحية وقتها هتلاقي إنها كانت حاجة من اتنين يا شاة يا ناقة
الشاة الواحدة كانت بتكفي البيت كله أبو أيوب الأنصاري بيقول
كان الرجل يضحي بالشاة عنه وعن أهل بيته فيأكلون ويُطعمون
يعني البركة كانت في القليل اللي بيتقسم بالحب
أما الناقة فدي كانت للوسع وللي ربنا فاتحها عليه
لأنها كبيرة وتكفي ناس كتير وكانت أغلى وأفضل في الأجر وده اللي الفقهاء ذكروه بعد كده
الإبل أولاً وبعدها البقر وبعدها الغنم طب فين البقر والجاموس؟
الحقيقة إن الجزيرة العربية زمان مكنش فيها تربية بقر وجاموس زي ما إحنا متعودين دلوقتي
البيئة والجو مان صحراوية واللي يمشي فيها الغنم والإبل
معرفة لحم البقر والجاموس دخلت للمسلمين لما الفتوحات وصلت لمصر والشام والعراق وأفريقيا
هناك لاقوا البقر والجاموس حاجة أساسية في حياة الناس فدخلت في الأضحية والذبح وبقت عادية
عشان كده لما تسمع حد بيقول الأضحية كانت غنم وإبل بس أيام الصحابة
هو مش بيفتي من دماغه
ده كلام له أصل في السنة والواقع اللي عاشوه والحكمة؟
إن الدين مش متعلق بنوع اللحم قد ما متعلق بالنية والتقوى
لن ينال الله لحومها ولا دماؤها ولكن يناله التقوى منكم
سواء ضحيت بشاة ولا بقرة ولا ناقة المهم قلبك حاضر ويدك مفتوحة للفقير
