إعداد وتقديم مرفت عبد القادر
مطبخ الصوت
المقادير والطريقة:
نضع كوب مايه فى بولة وربع معلقة صغيرة ملح ومعلقة صغيرة سكر نقلب لحد ما السكر والملح يدوبوا فى الماية .
ننزل بكوبين دقيق ونخلط بمعلقة وبعد كده نعجن بالايد لحد ما تتكون عجينة متماسكة.
نقطع العجين إلي ١٠ كور ونرصهم على صينية مرشوشة بالدقيق نغطيهم بكيس ونتركهم ربع ساعة .
بعد كده هناخد كل كورة نفردها بالنشابه ونرش دقيق علشان متلزقش لحد ما نخلص كل الكمية.
هنحط طاسة على النار فيها كوباية زيت لما يسخن نحط الفطير يتقلى على الجانبين لحد ما ياخد اللون الذهبى .
والنار تكون أقل من المتوسطة نخلص كل الكمية بنفس الطريقة ما بيخدش وقت خالص دقيقتين على كل ناحية ومبيشربش زيت .
ملحوظة:
الفطير المقلى ده غير الفطير المشلتت اللى هو الطبقات اللى بيتفرد ونحطله سمنة او زبدة ده بقى سهل وسريع جدا بيتاكل بيه جبنة وعسل ومربى بعمله لما البيت بيكون فاضى مفهوش حاجة وبطحن شوية سكر وبحطه عليه وممكن تحطى عليه لبن وسكر .
وبألف هنا.
