إعداد وتقديم/مرفت عبد القادر
مطبخ الصوت
المقادير:
كيلو سردين
هريسة شطة
فصوص ثوم
ورق لورا
بابريكا
كمون
كزبرة
ملح
زيت
الطريقة:
هنجيب سمك السردين وهنقص الرأس
والذيل ونفتح بطنه ونضفه ونغسله كويس
جدا هنرش عليه معلقة ملح ونقلبه
هنجيب مصفاه ونرص فيها السردين
وميكنش على بعض يبقى مرصوص جنب
بعض.
نحط فى حلة ربعها مايه ونحط المصفاة
على الحلة ونغطى بالغطا ونحط الحلة على
الناار ونسيبه يستوى على البخار بعد نص
ساعة نقفل عليه.
بعد ما يبرد نرصه فى برطمانات زجاج
ونحط ورقة لورا وفص ثوم ومعلقة هريسة
شطة أو باردة حسب الرغبة
نجيب كوبين مايه مع معلقة ملح كبيرة
وكمون وكزبرة وبابريكا معلقة صغيرة من
كل حاجة ونحطها على النار تغلى وبعدين نسيبها تبرد .
نملى البرطمان بالمايه ونسيب ربع البرطمان
فاضى نكمله بالزيت نقفل كويس نجيب
حلة ونحط فوطة ونرص البرطمانات ونزود
ماية لحد النص ونغطى ونتركها تغلى ربع
ساعة لما يبردوا ندخلهم التلاجة
وبألف هنا وعافية.
