يوفر المتحف المصري الدخول مجانا أو بخصم لفئات محددة من جميع طبقات المجتمع ،الفئات كالتالي:
أولا .. لو رايح المتحف الكبير خد بالك من النقطة دي، فيه فئات ممكن تدخل مجانا أو بخصم، بس لازم تكون معاك بطاقة سارية تثبت إنك تستحق.
ثانيا- طلاب وأساتذة كلية الآثار في الجامعات الحكومية بيدخلوا مجانا كل أيام الأسبوع بس، مش هينفع (الجمعة ولا الإجازات)، وهيدفعوا فرق الجولة الارشادية .
ثالثا- فيه فئات بتدخل ببلاش طول الأسبوع كله زي الأطفال أقل من 6 سنين وذوي الاحتياجات الخاصة بموجب كارنية الخدمات والمرشدين اللي معاهم مجموعات وأعضاء المجلس الدولي للمتاحف.
رابعا – كمان فيه إعفاء في أيام الأسبوع بس مش الويك إند للمرشدين المصريين والمحاربين القدامى وأسر الشهداء وموظفين وزارة السياحة والآثار و زمايلنا الصحفيين المعتمدين بعد التنسيق مع (إدارة المتحف)
خامسا- برضو لطلاب وأساتذة كليات التاريخ والحضارة والسياحة والفنون والعمارة وكمان طلاب المدارس الحكومية والأيتام بس لازم خطاب رسمي قبل الزيارة (بشهر)
سادسا – ولو أجنبي متجوز مصرية أو العكس يقدر ياخد تذكرة المصري 200 جنيه للكبار والطلاب 100 بس لازم يقدم ما يثبت العلاقة
