اللي يزرع خير يحصد في القلوب رصيد
واللي يعيش بأصله يفضل ذكره من جديد
علمني أبويا الكلمة عهد مش مجرد وعيد
وإن الكرامة تاج فوق راس كل حر عنيد
عشت عمري أفتح بابي للبعيد والقريب
وأشيل هموم الناس وأواسي كل حبيب
لا خنت عشرة يوم ولا بعت نصيب
ولا مديت إيدي لحد بطلب أو ترغيب
سقيت زرعي بصبري في ليالي الشقا
وشفت التعب بعيني وعرفت معنى البقا
مرة وقعت وقومت ومرة ضاقت الحلقا
لكن عمري ما رضيت أعيش في ثوب النفاقا
أيوه اتخذلت من ناس كنت حاسبهم أمان
وأيوه اتوجعت من غدر بعض الخلان
لكن اتعلمت إن الوفا مش في اي مكان
وإن الذهب النادر قليل وسط الزمان
فيه اللي وعد وخلف وفيه اللي خان الايمان
وفيه اللي باع الود بأرخص الأثمان
وفيه اللي وقت المصلحة يبقى لين وكله حنان
ولما تدور عليه تلاقيه راح واختفى من المكان
لكن الحمد لله بان المعدن من الأساس
وعرفت أقفل باب كان مفتوح لناس بدون احساس
وسبت اللي باع يمشي مع نفسه وخلاص
أصل النفس العزيزة ما ترضاش بالانحباس
سألت نفسي ليه أشيل وجع الناس
وليه أعيش أسير لذكرى فاتت وخلاص
ما العمر مرة واحدة وما يتعاش
باقتصاص
ولا ينفع نضيع بكرة في حساب الأمس والالتباس
قلت أعيش لنفسي وأصون اللي فاضل من السنين
وأفرح بضحكة صادقة وبقلب يعرف الحنين
وأمشي في طريق النور مهما كتر الحاقدين
وأسيب لرب الناس حكمه بين العالمين
المال يفنى والجاه يروح مهما يكون ثمين
لكن المحبة الصادقة تعيش سنين وسنين
واللي يكسب قلب الناس يبقى أغنى الغنيين
ويبقى رصيده الحقيقي دعوة من الطيبين
كلمات وتأليف شاعرالبسطاء سعيدسعيدامام
