طريقة عمل عجينة سمبوسك الباف

إعداد وتقديم مرفت عبد القادر 

مطبخ الصوت

السمبوسة بعجينة الباف اسهل وافضل وصفه للسمبوسك .

  المقادير :

كوبين ونص دقيق .

معلقة صغيرة سكر

معلقة صغيرة بيكنج بودر

رشة ملح .

معلقة كبيرة لبن بودر اختياري.

معلقة كبيرة نشا لزيادة القرمشة اختياري.

كوب لكوب وربع ماء للعجن حسب نوعية الدقيق .

ربع كوب زيت.

الطريقة :

في بولة نحط المقادير الجافة كلها مع بعض ونقلبهم بعدين ننزل بالزيت ونبس كل الدقيق بالزيت كويس بعدين ننزل بالماية حبة حبة لغاية ماتتكون معانا عجينة طرية نعجنها كويس جدا ونسيبها ترتاح ربع ساعة.

بعدين نجيب طبق فيه ربع كوب دقيق ومعلقة كبيرة نشا ونقلبهم سوا ونرش بيهم علي الرخامة قبل ما نفرد العجينة .

نفرد العجينة ونقطعها بقطاعة او كوباية ونحشي بقي الحشو اللي نحبها ونقفلها كويس .

وعلي زيت غزير سخن علي نار متوسطة لا عالية ولا واطية .

هنلاقيها احمرت واخدت لون ذهبي ومقرمشة ومش شاربة زيت .

نخرجها علي مناديل ونقدمها وبالف هنا .

لو حابين تفرزها بعد مانشكلها هنحفظها في علب وبين كل طبقة وطبقة كيس بلاستيك وعلي الفريزر في علب محكمة الغلق .